QUÉ FACEMOS
PLANS DE IGUALDADE
II Plan para a Igualdade de Mulleres e Homes do concello de Covelo (2018-2021)
PROXECTOS DESENVOLTOS
Desenvolvemento e visibilización das medidas propostas polo II Plan Municipal de Igualdade de Oportunidades
CAMPAÑAS
Visibilizar as accións levadas a cabo no Concello de Covelo para traballar a favor da igualdade de mulleres e homes.
II PLAN DE IGUALDADE
A elaboración do II Plan para a Igualdade de Mulleres e Homes do concello de Covelo (2018-2021) é un reflexo da vontade expresa do Concello por continuar loitando contra todo tipo de discriminacións que seguen a perpetuar relacións de desigualdade entre as persoas por razón de xénero.
Este II Plan é a continuación do traballo desenvolvido no I Plan, e vai permitir durante catro anos continuar desenvolvendo políticas públicas con perspectiva de xénero que teñen como finalidade alcanzar a igualdade efectiva entre as mulleres e os homes no Concello de Covelo.
O seu obxectivo primordial e traballar na implementación da transversalidade de xénero co fin de facer partícipes ao maior número de organismos locais e o persoal técnico e político municipal, de que a igualdade de oportunidades sexa realidade en todas as políticas e accións realizadas no concello de Covelo.
Coa posta en execución deste II Plan para a Igualdade preténdese ter un documento de traballo, unha ferramenta práctica, concibida e feita á medida das necesidades de mulleres e homes do municipio de Covelo e que xa está a trazar o camiño dunha política municipal concibida e aplicada desde a perspectiva de xénero.
Concello de Covelo
Praza do Mestre Cerviño, 2
36872, COVELO
Contacto
+ 00 34 986 65 00 27/47
servizossociais.covelo@gmail.com
